Rusiyeniñ Rostov-na-Donu Cenübiy okrugınıñ arbiy mahkemesi Bağçasaraylı faaller Seydamet Mustafayev, Eldar Yakubov, Abdulmecit Seytumerov, Ruslan Asanov, Amethan Umerov ve Remzi Nimetullayevni boş aynıñ 23-ne qadar apiste qaldırdı. Bu aqta "Qırım birdemligi" cemaat birleşmesine advokat Emil Kurbedinov ikâye etti.
Advokatnıñ aytqanına köre, mahkeme oturışı keç başlandı. Mahkeme tek prokurornıñ qırımlılarğa qarşı sıñırlav tedbirini uzatmaq muracaatını baqmaqnı yetiştirdi. Advokat, qabaatlav tarafınıñ sıñırlav tedbiriniñ zaruriyeti aqqında delilleri esassızdır dep qayd etti.
"Prokuror yalıñız umumiy ifadelernen ve iç bir şeyge esaslanmağan tahminlernen oğraştı. Amma, qanunğa köre, iç bir delil berilmedi. Em de, ne içün ev apsi kibi sıñırlav tedbirleri qullanılmay, dep añlatılmadı", — dedi Emil Kurbedinov.
İmaye, mahkeme qararını sıñırlav tedbiriniñ uzatılması boyunca şikâyet etmege niyetlene.
Nevbetteki mahkeme oturışuvıarman ayınıñ 18-ne belgilendi, anda imayeniñ delilleriniñ taqdim etilmesi ve şaatlarnıñ sorğuğa çekilmesi planlaştırıla.
"Qırım platforması" sammitiniñ ertesi künü, 2023 senesi arman ayınıi 24-nde, Rusiye quvetçileri altı qırımtatarnı tuttı. O künü saba Bağçasaray ve Bağçasaray rayonında Remzi Nimetulayev, Ruslan Asanov, Seydamet Mustafayev, Amethan Umerov, Eldar Yakubov ve Abdülmecit Seytumerovnıñ evlerinde tintüvler keçirildi.
