Rusiye Adliye nazirligi, Poloniyada qayd etilgen İnsan aqları Helsinki fondunı faaliyeti "istenilmegen" dep tanılğan ecnebiy ve halqara teşkilâtlar cedveline kirsetti.
Daa evel Rusiye Baş prokuraturası iş adamı ve metsenat Boris Ziminniñ Zimin Foundation fondunı istenilmegen teşkilât olaraq ilân etti. Nezaret organı bu qararnı, "fond ilim ve tasilge qol tutuv maqsadınen beraber, ekstremistik faaliyet ve terrorizmnen bağlı şahıs ve teşkilâtlarğa, ecnebiy agentlerge maliyeviy ve informatsion yardım köstere", dep izaatladı. 2025 senesi kiçik ayndan saban ayına qadar Ziminniñ fondu Rusiyege qarşı duşmanlıq köstergen jurnalist ve alimlerniñ "leyhalarını" amelge keçirmek içün 30-dan ziyade subsidiya ayırdı, dep bildirdi RF Baş prokuraturası.
Rusiye akimiyeti "istenilmgenler" cedveline "narazılıq duyğularını şekillendirmek ve gençlerni radikalleştirmek, Rusiye devlet akimiyet organlarını itibardan tüşürmek" maqsadınen çalışqan alman "Roza Lüksemburg Fondu"nı (Rosa-Lüksemburg-Stiftung Gesellschaftsanalyse und politische Bildung) ve diger teşkilâtlarnı kirsetti, bunen beraber, Konrad Adenauer ve Genrih Bell fondları, WOT Foundation ve diger teşkilâtlar.
Arman ayında Azatlıq Radiosınıñ sabıq hadimi işten boşatılğan soñ materiallarını silmegeninden sebep "istenilmegen teşkilât" ile alâqası içün para cezasını aldı.
