12 yıl azatlıqtan marum etilgen Ekinci Aqmescit "Hizb ut-Tahrir davası"nıñ mabüsi İzet Abdullayev onı raatsızlağan tiş ağrıları ve yürek aritmiyası vaziyetinde inkişaf etken gipertoniya aqqında tarif etti. Bunı "Qırım birdemligi"ne onıñ ömür arqadaşı Güzel Abdullayeva bildirdi.
Onıñ qayd etkenine köre, Başqortostan Cumhuriyetiniñ Salavat şeerindeki 2-nci tüzetüv cezahanesinde tibbiy yardım "üstün-üstün" kösterile.
"İşğalcilerge ilâc bere bileler, amma, esasen, ilâclarnı mabüslerniñ tuvğanları yollay", — dedi qadın.
İzzet Abdullayev apiske alınğanına qadar qırımtatar halqınıñ cemaat ayatında faal iştirak ete edi, işğal etilgen Qırımda ve Rostov-na-Donu şeerinde siyasiy sebeplerden açılğan davalar boyunca mahkeme oturışuvlarına qatnay edi.
Rostov-na-Donu Cenübiy okrugınıñ arbiy mahkemesi 2022 senesi quralaynıñ 12-nde ekinci Aqmescit "Hizb ut-Tahrir davası"nıñ mabüsleri Tofik Abdülgaziyev, Vladlena Abdülkadırov, İzzet Abdullayev, Mecit Abdurahmanov ve Bilâl Adilovğa qarşı qabaatlav qararını çıqardı. 1İzzet Abdullayev 12 yıl sert rejimli koloniyada qalmasına üküm etildi, ilk 5 yıl apishanede ve azatlıqtan çıqqan soñ 1 yıl azatlıqtan marum etilmesine üküm etildi.
